DITŠHIŠINYO TŠA BONKGETHENG BAO BA TLAGO DIRELA LEKGOTLA LA MUSEAMO WA LUTHULI
Maloko a setšhaba sa bohwa le setšhaba ka kakaretšo ba mengwa go šišinya maloko a Lekgotla la Museamo wa Lithuti. Lekgotla le ba le maloko a bonnyane bja šupa ao a tlago bewa ke Tona ya Bokgabo, Setšo, Saense le Theknolotši. O tee wa maloko o swanetše go ba le maitemogelo a ditaba tša ditšhelete.
Ge ditšhišinyo di tlišwa, go swanetše go elwa hloko gore mošišinywa o hloka kwišišo ye e phatlaletšego ya bohwa, bokgoni bjo bo phatlaletšego bja taolo le ditšhelete, tsebo ya molao le tsebo ya kwalakwatšo le go tšwa lesolo la kgoboketšo ya tšhelete, thuto le nyakišišo ya saense, gammogo le phišegelo ya go direla setšhaba le bokgoni bjo itšego lefapheng la mošomo wa Museamo wa Luthuli.
Phanele e tla bewa ke Tona go thala lenaneo la bonkgetheng ba ba swanetšego go tšwa ditšhišinyong tšeo di amogetšwego. Mošomomogolo wa phanele e tla ba go kgonthišiša gore kgetho ya mafelelo e akaretša batho ba maswanedi goba maitemogelo goba kgahlego ye itšego ka mafapheng ao a amegago, go ra gore o akaretšago ka mo go kgonagalago, ditšhaba le bong ka moka, le gore kgetho ka kakaretšo e maemong a godimo.
Motho yo mongwe le yo mongwe yoo a lakatšago go šišinya maloko a Lekgotla la Museamo wa Luthuli a swanetše go iša tše di latelago:
a lengwalo leo le nago le maina ka botlalo, atrese, dinomoro tša mogala le tša fekse tša mošišinywa, le go fa mabaka a tšhišinyo;
b kanegelophelo ya mošišinywa, ya go hlaloša go swanelwa ke go kgethwa;
c taodišokopana ya tumelo ya kgetho ka mošišinywa; mo a dumelago tšhišinyo; le d maina a mararo a batho bao go ka ikgokaganywago le bona bao ba tsebago mošomo wa mošišinywa .
Gago ditšhišinyo tše di tlago amogelwa ge dintlha tše tša ka godimo di sa hlagišwa.
Ditšhišinyo di swanetše go fihlela go Molaodikakaretšo wa Kgoro ya Bogabo le Setšo ka 20 Febreware 2004. Di ka romelwa ka poso go Private Bag x897, PRETORIA, 0001 goba tša feksetšwa go 323-3670 goba 321 7681.
Mogala: 337-8099
